لندن جانے والی فلائٹ سے 20 کلو ہیروئن برآمد

پاکستانی حکام نے ملک کی قومی ایئرلائن کی لندن جانے والی پرواز سے بیس کلوگرام ہیروئن برآمد کر لی ہے۔ پی آئی اے کے ترجمان کے مطابق یہ ہیروئن اسلام آباد ایئرپورٹ پر طیارے کی تلاشی کے دوران برآمد ہوئی۔

Pakistan International Airline PIA (Reuters/F. Mahmood)

خبر رساں ادارے روئٹرز کے مطابق گزشتہ برس اگست سے لے کر اب تک پی آئی اے کی مختلف پروازوں سے تین بار ہیروئن برآمد ہو چکی ہے۔ ان میں گزشتہ ہفتے لندن کے ہیتھرو ایئرپورٹ پر پی آئی اے کی ایک فلائٹ سے برآمد ہونے والی ہیروئن بھی شامل ہے۔

پاکستان انٹرنیشنل ایئرلائن کے ترجمان مشہود تاجور کی طرف سے جاری ہونے والے ایک بیان کے مطابق حکام نے آج پیر 22 مئی کو چار مختلف جہازوں کی تلاشی کا منصوبہ بنایا تھا، ’’ایک ہوائی جہاز سے، جس نے فلائٹ PK786 کے نام سے اسلام آباد سے لندن روانہ ہونا تھا، 20 کلوگرام ہیروئن برآمد ہوئی۔‘‘

تاجور کے مطابق تلاشی کے بعد جہاز کو پرواز کی اجازت دے دی گئی جب کہ مزید تحقیقات کا سلسلہ جاری ہے۔گزشتہ برس دسمبر میں پاکستانی حکام نے سعودی جانے والی پی آئی اے ہی کی ایک پرواز سے 16.7 کلوگرام ہیروئن برآمد کی تھی۔

Pakistan Fluggesellschaft PIA Premier (PIA)پاکستان کی قومی ایئرلائن کمپنی کافی عرصے میں نقصان میں چل رہی ہے اور اسے منافع بخش بنانے کی کوششیں جاری ہیں

پیر 15 مئی کو لندن کے ہیتھرو ایئرپورٹ کے حکام نے بتایا تھا کہ انہوں نے پاکستان سے آنے والے جہاز کے خفیہ خانوں میں چھپائی گئی ہیروئن برآمد کی تھی۔ تاہم اس کی درست مقدار نہیں بتائی گئی تھی۔ لندن حکام کے مطابق اس سلسلے میں کوئی گرفتاری عمل میں نہیں آئی تھی تاہم تحقیقات کا سلسلہ شروع کر دیا گیا تھا۔ برطانیہ کی نیشنل کرائم ایجنسی کے ترجمان کے مطابق ، ’’ہمیں اس تحقیقات کے نتیجے میں بین الاقوامی عنصر سامنے آنے کی توقع ہے۔‘‘

پی آئی اے کے حکام نے اس بات کی تصدیق کی تھی کہ ان کے ایک ہوائی جہاز کی لندن میں تلاشی لی گئی تھی تاہم ان کا کہنا تھا کہ انہیں جہاز سے منشیات برآمد کرنے بارے میں کچھ نہیں بتایا گیا تھا۔ پاکستان کی قومی ایئرلائن کمپنی کافی عرصے میں نقصان میں چل رہی ہے اور اسے منافع بخش بنانے کی کوششیں جاری ہیں۔

Advertisements

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s