یورپ پہنچنے کا جنون، پانچ ہزار ڈوبتے مہاجرین بچا لیے گئے

بحیرہ روم کے راستے یورپ پہنچنے والے پانچ ہزار مہاجرین کو ڈوبنے سے بچا لیا گیا۔ آج ہفتے کے روز دو ہزار سے زائد مہاجرین کو اطالوی کوسٹ گارڈز نے سمندر برد ہونے سے بچایا۔

Libyen Küstenwache (picture alliance/AP Photo/M. Ben Khalifa)

لیبیا اور اٹلی کے کوسٹ گارڈز کی جانب سے جاری ہونے والے ایک بیان کے مطابق جمعرات اٹھارہ مئی سے آج ہفتہ بیس مئی کے دوران پانچ ہزار کے قریب مہاجرین کو بحیرہ روم میں غرق ہونے سے بچا لیا گیا۔

اس بیان کے مطابق جمعرات کے روز 23 سو مہاجرین کو بحیرہ روم کے کھلے سمندری علاقے میں ڈوبنے سے بچانے والے اطالوی کوسٹ گارڈز تھے جبکہ گزشتہ اڑتالیس گھنٹوں کے دوران لیبیا کے ساحلوں کے قریب سمندری نگرانی پر مامور اہلکاروں نے 580 مہاجرین کو بچایا۔ ان مہاجرین کو لیبیائی کوسٹ گارڈز نے واپس اپنے ملک پہنچا دیا۔

اطالوی حکام کے مطابق اُن کے کوسٹ گارڈز نے آج ہفتہ بیس مئی کی صبح میں 21 سو مہاجرین کو کھلے سمندر میں سے اپنی تحویل میں لیا۔ یہ مہاجرین سترہ کمزور کشتیوں پر سوار ہو کر اٹلی پہنچنے کی کوشش میں تھے۔ ان میں سے ایک مہاجر ڈوب کر ہلاک ہو گیا اور اُس کی نعش بھی کوسٹ گارڈز نے سمندر سے نکال لی ہے۔ آج صبح بچائے گئے مہاجرین میں چھ ہفتے کا ایک نوزائیدہ بچہ بھی شامل ہے۔ کچھ مہاجرین کو فوری طبی امداد کی ضرورت تھی اور انہیں اسپیڈ بوٹ کے ذریعے طبی مراکز تک لایا گیا۔

Spanien Boot der Küstenwache im Hafen von Tarifa (Getty Images/AFP/M. Moreno)بحیرہ روم میں آج کل اطالوی کوسٹ گارڈز کے بحری جہازوں کے ہمراہ ایک ہسپانوی بحری جہاز بھی گشت پر مامور ہے

مہاجرین کے نگران اداروں کے مطابق رواں برس اٹلی کا رخ کرنے والے مہاجرین کی تعداد میں خاصا اضافہ دیکھا گیا ہے۔ اب تک 46 ہزار مہاجرین بحیرہ روم کے راستے سے اٹلی کے ساحل تک پہنچنے میں کامیاب ہوئے ہیں۔ گزشتہ برس کے اسی عرصے کے مقابلے میں یہ اضافہ 30 فیصد سے زائد بتایا گیا ہے۔

انٹرنیشنل آرگنائزیشن برائے مہاجرین کے مطابق سمندر میں نگرانی کے عمل میں اضافے کے بعد اب یورپ پہنچنے کی کوشش کرنے والا ہر چالیسواں مہاجر ڈوب کر ہلاک ہو رہا ہے۔ بحیرہ روم میں آج کل اطالوی کوسٹ گارڈز کے بحری جہازوں کے ہمراہ ایک ہسپانوی بحری جہاز، دو مال بردار بحری جہاز اور چند غیر سرکاری تنظیموں کی امدادی کشتیاں بھی مہاجرین کی زندگیاں بچانے کی کوششوں میں شریک ہیں۔ ادارے کے مطابق بحیرہ روم میں رواں برس کے دوران اب تک ڈوبنے والے مہاجرین کی تعداد 1244 ہے۔

Advertisements

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s