سنگاپور ایئرلائن کی اولین ’گرین پیکج‘ پروازیں

جہازوں سے خارج ہونے والی ضرر رساں گیسوں میں کمی لانے کے لیے سنگاپور ایئرلائن نے پہلی مرتبہ ’گرین پیکج‘ پروازوں کا سلسلہ شروع کیا ہے۔ یہ پروازیں کوکنگ آئل سے تیار ہونے والا بائیو فیول بھی استعمال کریں گی۔
جرمن خبر رساں ادارے ڈی پی اے کی ایک رپورٹ کے مطابق ان پروازوں کے لیے بائیو ایندھن استعمال شدہ عام کوکنگ آئل سے تیار کیا جائے گا۔ سنگاپور ایئرلائن کی طرف سے جاری کردہ ایک بیان کے مطابق اس سلسلے میں آئندہ تین ماہ کے دوران 12 ایسی پروازیں اڑائی جائیں گی جس کے ایندھن میں عام فیول کے ساتھ بائیو فیول بھی ملا ہوا ہو گا۔ بیان کے مطابق یہ پروازیں ایئربس A350-900 جہازوں کی ہوں گی جنہیں یہ ایئرلائن ایندھن کی بچت کے حوالے سے سب سے زیادہ مؤثر قرار دیتی ہے۔
بائیو ایندھن استعمال کرنے والی یہ تمام 12 پروازیں اس ایئرلائن کی سنگاپور سے سان فرانسسکو کی براہ راست فلائٹس ہوں گی۔ اس سلسلے کی پہلی پرواز SQ31 منگل دو مئی کو سان فرانسسکو سے سنگاپور پہنچی۔ اس پرواز پر 206 مسافر موجود تھے جبکہ پرواز کا دورانیہ 17 گھنٹے تھا۔

19388273_401

بائیو ایندھن استعمال کرنے والی یہ تمام 12 پروازیں اس ایئرلائن کی سنگاپور سے سان فرانسسکو کی براہ راست فلائٹس ہوں گی
سنگاپور ایئرلائن کے چیف ایگزیکٹو آفیسر گوہ چون پھونگ کو امید ہے کہ بائیو فیول کے ذریعے اڑائی جانے والی پروازوں اور پھر اس مقصد کے لیے ایسے جہازوں کے استعمال سے جو ایندھن کا کم استعمال کرتے ہیں، اس کمپنی کے کاربن کے اخراج میں کمی کے عزم کو پایہ تکمیل تک پہنچانے میں مدد ملے گی۔
’گرین پیکج‘ فلائٹس کے اس سلسلے میں سنگاپور سول ایوی ایشن کی مدد بھی اس ایئر لائن کو حاصل ہے۔ اس مقصد کے لیے سول ایوی ایشن موسمی تبدیلیوں کو مدنظر رکھتے ہوئے ان پروازوں کے لیے ایسے بہترین فضائی راستوں کی فراہمی کو یقینی بنائے گی جن پر ایندھن کا خرچ کم سے کم ہو۔

Advertisements

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s